Primeira muller na Lúa

Neste mes de xullo cumpliranse 50 anos da misión Apolo, que permitiu a chegada de Neil Armstrong e Buzz Aldrin á superficie lunar. Agora, a NASA ten prevista unha nova misión que será chamada Artemisa (pola relación desta deusa grega con Apolo e coa Lúa) e consistirá no envío dun home e dunha muller ao noso satélite cara ao ano 2024. O principal obxectivo é manter unha presencia continuada e poder chegar a enviar unha nova misión cada ano.
Este feito supón o retorno dos voos tripulados á Lúa e a primeira presenza feminina neste tipo de actividades.

Noa

IYPT 2019

A táboa periódica dos elementos é, quizáis, o descubrimento máis importante no mundo da ciencia, que constituiu un avance tanto na química como na física e na bioloxía. Foi descuberta por Dimitri Mendeleiev no ano 1869. Con motivo do seu 150 aniversario a UNESCO declarou este ano como o Ano Internacional da Táboa Periódica (IYPT polas súas siglas en inglés), durante o cal se celebrarán actividades conmemorativas por todo o mundo.

Noa

O misterio do lago Hillier

Este característico lago australiano foi descuberto polo navegante Matthew Flinders (primeira persoa en circunnavegar Australia) no ano 1802; está situado na illa Middle, no arquipélago de La Recherche. Bordeado por area e por un bosque de malaleuca e eucalipto, atópase separado do océano Antártico por unha serie de dunas cubetas de vexetación, creando una singular estampa.
A súa cor rosada parece ter orixe na presenza de Halobacterias (microorganismos unicelulares procariotas que se atopan na auga con sal e que crean as mareas vermellas) e Dunaliella salina (microalgas con propiedades antioxidantes), os cales desprenden prigmentos que colorearían a auga.
En contra do que se pode pensar, non presenta ningún tipo de efecto adverso sobre os humanos e
ao botala nun recipiente con auga dunha tonalidade normal permanece rosada.

Noa