Fenómenos que asociamos aos movementos das placas litosféricas

A litosfera está rota en placas, chamadas placas litosféricas. Hai once máis grandes e outras máis pequeñas. A maioría está formada polos dous tipos de litosfera (oceánica e continental), aínda que hai algunhas que só están formadas por unha. Estas placas desprázanse unhas con respecto das outras como consecuencia da dinámica do manto, e o fan de tres xeitos:

1. Colisionando
2. Separándose
3. Escorregando

Colisionando: dúas placas chocan unha contra outra, polo que a máis densa e pesada afúndese baixo a máis lixeira.Pode darse o caso de que choquen unha placa oceánica e outra continental, polo que entón a placa oceánica quedaría debaixo e formaríase unha zona de subdución. Cando isto sucede, fórmase un bordo converxente.

Separándose: dúas placas sepáranse, e o material do manto que había entre elas sae á superficie e orixina litosfera oceánica. A fenda que queda entre as dúas placas recibe o nome de rift. Cando isto sucede fórmase un bordo diverxente.

Escorregando: dúas placas escorregan unha contra outra horizontalmente. Fórmase unha falla transformante. Cando isto sucede fórmase un bordo de cizalla.

Os bordos das placas son zonas de gran rico sísmico e volcánico. Os bordos converxentes e de cizalla

orixinan sismicidade, mentres que os bordos diverxentes son zonas de gran risco volcánico.

Un volcán manifesta como o calor do manto expulsa ao exterior rocha fundida, fragmentos de rocha sólida, gases e cinzas á atmosfera.

Os terremotos débense á vibración producida polos movementos ou roturas da codia terrestre.

Déixovos algunhas imaxes: