Aprendiendo con/ciencia: Tipos de rochas

TIPOS DE ROCHAS

Unha rocha é un sólido cohesionado que está formado por un ou máis minerais.

As rochas pódense clasificar en tres grupos:

Ø Sedimentarias: fórmanse a partir da *diaxénese de sedimentos orixinados pola alteración das rochas preexistentes, que foron transportados polos axentes xeolóxicos e depositados nas cuncas sedimentarias.

Segundo a orixe dos sedimentos as rochas sedimentarias divídense en:

· Rochas detríticas: Fórmanse pola acumulación de clastos** procedentes da meteorización doutras rochas, que chegan transportados polos axentes xeolóxicos, á súa vez as rochas dentríticas clasifícanse en tres grupos principais:

o Conglomerados: Formados por cantos. Entre estes pode haber ademais area e arcilla.

o Pedras de gra: Constituídas por grans de area compactados e unidos entre sí.

o Lutitas: Formadas por partículas de arxilla tan pequenas que só se poden diferenciar cun microspocio

· Rochas non dentríticas: Orixínanse pola acumulación de materiais no mesmo lugar da súa sedimentación. Clasifícanse en tres tipos, segundo a súa composición química:

o Rochas carbonatadas: Compostas maioritariamente por carbonatos.

o Rochas evaporíticas: Fórmanse pola evaporación da auga.

o Rochas orgánicas: Prodúcense pola acumulación de restos órganicos.

Ø Magmáticas (ou ígneas): Son as que se forman a partir do magma.

As rochas magmáticas divídense en tres grupos:

· Rochas plutónicas: Orixínanse cando o magma se consolida no interior da codia, sen chegar a alcanzar a superficie. O seu arrefriamento é moi lento, o que permite a cristalización dos minerais. A rocha presenta por isto unha estructura cristalina, é dicir, os minerais están cristalizados e poden recoñecerse a simple vista.

· Rochas volcánicas: Prodúcense cando a lava solidifícase, tanto na superficie terrestre, ou baixo a auga. O arrefriamento rápido da lava non permite a formación de cristais grandes, polo que a rocha presenta unha textura microcristalina (con cristais diminutos) ou ven vítrea (sen cristais).

· Rochas filonianas: Prodúcense cando o magma ascende ata zonas superficiais, pero non chega a saír ao exterior, introdúcense polas zonas fracturadas formando diques ou filóns.

Ø Metamórficas: Fórmanse a través de cambios das rochas magmáticas e sedimentarias producidos por altas presión e temperatura.

As rochas metamórficas poden presentar diferentes tipos estructurais dependendo da disposición dos seus compoñentes:

§ Estructura foliada: Aspecto de láminas superpostas, que poden ser planas e paralelas ou estar deformadas.

§ Estructura granoblástica: No interior da rocha metamórfica aparecen cristais irregulares soldados entre sí. A rocha non presenta direccións preferentes de rotura.

* É o conxunto de procesos de formación dunha rocha sedimentaria a partir de sedimentos.

** Fragmentos de rochas de tamaños moi diversos.